Ako ay naglinis ng aking mahiwagang palasyo...DUM....DUUM...DUUUUMMMMM!!!!!

Wala na kasi ako magawa sa net kapag binubuksan ko ang pc, kaya naisipan ko na lang maglinis. Hindi naman na sa Kadurdur na ang aking palasyo kaya kelangan ng magpunas at magwalis, kaya ko naisipan e dahil nahatsing na ko tuwing gabi sa mga nagliliparang alikabok siguro na di ko nakikita.

Una kong ginawa e pinagsigawan na maglilinis ako...walang pumasin : l Kaya eto ginawa ko.

Agatha: Ta! Maglilinis ako kwarto

Tita: Ocge

Agatha: Gusto mo ko tulungan : l

---------

Agatha: De! Maglilinis ako kwarto

Daddy: Buti naman!

Agatha: Gusto mo tumulong?

Daddy: Ikaw na lang

Agatha: (umalis)

Daddy: Ay Ingrid! Hanapin mo yung yantok ko!

Agatha: Anong yantok?!

Daddy: Yung pamalo..baka may lumabas na ahas diyan sa kwarto mo eh.

Agatha: (sarcastic) Ha..ha..!

-------

Agatha: Me! Maglilinis ako kwarto

Mommy: Cge

Agatha: Tulungan mo ko

Mommy: Pagod pa ko eh

Agatha: :l

Ayan! Pero salamat at tinulungan ako ni Tita kahit tinanong niya kung may lagnat ba ako kaya ako naglilinis at pinagtatatambak ang nakalagay sa drawer ko at kinuha ang mga baryang nakita niya. : l

Una kong ginawa e nilabas ko ang mga abubot na nakatambay sa may table ko pati sa mga shelves, hinagis ang mga unan sa may balcony para mainitan, tinanggal ang bed sheet, kinalas ang pc at binigay kay Daddy para linisin.

Inurong ni Tita yung cabinet ko na napakabigat daw dahil sa mga magazines na nakatambak sa bottom drawer ko. Sabi ko "Ano ka! Bat ko tatapon yan!? Pag tumagal yan tataas value nyan..bebenta ko!" Pagka-urong niya ng cabinet...ang dami dami dami daming alikabok! At ang pesteng daga e sinira yung pader ko!

Naka 5 hatsing ako at 4 na singa ng sipon...ewh. Nakakaawa akong tignan nung nililinis ko yung pintuan ko! Kaskas dito kaskas don! Tinanggal ko na ang poster ni Avril na nakadikit don! Yung "Keep Out" sign na lang ang ititira ko pero mukhang walang effect sa mga tao dito sa bahay dahil ini-invade pa rin nila ang aking palasyo...lalo na si Mami!!!

Sa paglilinis ko.. napa-onti na lang laman ng room ko. Hindi naman pala akin yung mga nakalagay dito! Puro damit ni Mami ang nakasabit sa cabinet at puro cd's ni Kuya ang andito sa drawer! Ay siya! Pinagtatatambak ko don sa may sala! Inyo yan!

After ko maglinis, naligo na ako at tinesting ang pc kung tama ang kabit ko. Ayusin ko daw sabi ni Daddy...kasi kung hindi..di daw siya makakapaglaro ng Solitaire : l

Nung nase-sense ko na na papasok siya...sinigawan ko! "De!!! Hubarin mo tsinelas mo!" : l

Kaya sa susunod ulet na paglilinis...next year ang General Cleaning ulet!