Malapit na umalis si Tita, wala pang confirmation from the Embassy pero positive sila na magkakaroon sila ng Schengen Visa. Waaa! Di ako kasama!

Dahil don, may mga label na ang mga drawers and everything para pag may hahanapin kami, di na namin siya itetext para sabihin "Ta! Asan yung medyas ko?"

Kahapon, naghahalungkat si Mami ng mga damit niya na nilagay na sa maleta tapos itinambak sa ilalim ng bed. Yun yung mga hindi na nagagamit o yung mga damit na nakalimutan na niya na meron pala siya. Halos lahat ng cabinet dito may damit niya! Si dadi bumili dati ng Cabinet para may paglagyan ng mga damit niya, ayun! Sinalakay ni mami at pinagtatatambak yung mga damit niya. Ke dami daming damit di naman ginagamit! Tapos ako pa yung hihingan niya ng mga damit na di na nasusuot para ipamigay : l

Pagdating din sa sapatos, nung nakain kami tinanong ni Kuya kung nasabi ko na ba daw kay Keith yung sapatos na binebenta. Ibebenta daw ni Kuya Gilbert ng P9,000. Si mami naman nagratatatata, sabi wag daw bibile ng mga ganung kamahal na sapatos. Tapos sabi ko "Kaw nga nabile ng mga sapatos na sale...sangkatutak naman! Tapos di mo ginagamit! Inaagaw mo pa yung akin!" Isa lang ibig sabihin non, magaling ako pumili ng shoes....siya hindi! hahaha!

Sa paghahalungkat na ginawa ni mami kahapon, ako naman si kuha sabay suot. Pero tinigil ko na agad kasi ang inet : l may mga mapapakinabangan naman, katulad netong white blazer. Matagal na ko naghahanap ng ganito dito ko rin pala makikita. Kaso butas : l sabi ni mami, "Ok lang yan! Fashion!" sabi ko naman, "Anong fashion! Nginatngat ng daga o!"

Onting ayos at diskarte, ok na yun! haha!